ಶುಕ್ರವಾರ, ಫೆಬ್ರವರಿ 10, 2012
ಪೇರ್ಗುಡೆದ ಸಂಸಾರ
ಪೆರ್ಗುಡೆಲಾ ಆಯನ ಬೊಡೆದಿಲಾ ಎಡ್ಡೆಡೇ ಸಂಸಾರ ಮಲ್ತೊಂದಿತ್ತೆರ್. ಆ ಪೆರ್ಗುಡಗ್ ಆಂಚಾಕ,ಮೇಂಚಾಕ,ಚಂಚಾಕ ಬೊಕ್ಕ ಸರಪೋಳಿ ಪನ್ಪಿನ ನಾಲ್ ಜನ ಜೋಕುಲು ಇತ್ತೆರ್.ಪೆರ್ಗುಡೆ ತನ್ನ ಸಂಸಾರೊನು ಎಡ್ಡೆಡೆ ಬೆಂದ್ ದ್ ನಡೆಪಾವೊಂದಿತ್ತೆ. ಅಂಚ ಒಂಜಿ ದಿನ ಬೆನರ ಪೋಯಿನಾಯೆ ಆಯನ ಪೊರ್ತು ಕರಿಂಡಲಾ ಬರ್ಪುನ ತೋಜುಜಿ. ಅತನಗ ಆಯನ ಬೊಡೆದಿ ನಾಲ್ ಜನ ಜೋಕುಲೆನ್ಲಾ ಒಟ್ಟುಗು ಕುಲ್ಲಾದ್ (ಈ ತಿರ್ತ್ ದಂಚ ಯೋಚನೆ ಮಲ್ಪುವೆರ್)
ಆಂಚಾಕ ಮಗ ಮೇಂಚಾಕ ಮಗ ಚಂಚಾಕ ಮಗ ಸರಪೋಳಿ.
ಮಗನಿನ್ನಮ್ಮೇರೇ ಮಗ ದೂರಾನಾ ಮಗ ಪೋತೇರಾ ಮಗ ದಾನೇನಾ.
ಆಂಚಾಕ ಮಗ ಮೇಂಚಾಕ ಮಗ ಚಂಚಾಕ ಮಗ ಸರಪೋಳಿ.
ಮಗನಿನ್ನಮ್ಮೇರೇ ಮಗ ಒರುಂಕುಡೇ ಮಗ ಬೂರ್ದೇರಾ ಮಗ ದಾನೇನಾ.
ಆಂಚಾಕ ಮಗ ಮೇಂಚಾಕ ಮಗ ಚಂಚಾಕ ಮಗ ಸರಪೋಳಿ.
ಮಗನಿನ್ನಮ್ಮೇರೇನೆ ಮಗ ಏರಾ ಮೂರ್ಬೇರಾ ಮಗ ದಾನೇನಾ.
ಆಂಚಾಕ ಮಗ ಮೇಂಚಾಕ ಮಗ ಚಂಚಾಕ ಮಗ ಸರಪೋಳಿ.
ಮಗ ನಿನ್ನಮ್ಮೇರೇ ಮಗ ಬಿಸಲೇಡೇ ಮಗ ಕೊದ್ಯೊಂದೇ ಮಗ ಉಲ್ಲೇರಾ ಮಗ ದಾನೇನಾ.
ಆಂಚಾಕ ಮಗ ಮೇಂಚಾಕ ಮಗ ಚಂಚಾಕ ಮಗ ಸರಪೋಳಿ.
ಮಗ ನಿನ್ನಮ್ಮೇರೇನೇ ಮಗ ಬಿಸಲೇಡೆ ಮಗ ಉಪ್ಪೂನು ತೂಪೇರಾ ಮಗ ದಾನೇನಾ.
ಆಂಚಾಕ ಮಗ ಮೇಂಚಾಕ ಮಗ ಚಂಚಾಕ ಮಗ ಸರಪೋಳಿ.
ಅತನಗ ಪೆರ್ಗುಡೆ ಕಂಡರೆ ಪೋದು ಮುಸುಂಟು ಪೂರಾ ದರಿತೊಂದು ಬರ್ಪೆ. ಅಕ್ಲ್ ಪನೊಂದಿತ್ನೈನ್ ಕೇನ್ದ್ "ನಿನ್ನ ಕಾನೂನು ಪೂರಾ ಕಟ್ಟ್ ದ್ ದೀಲ ರಂಡೆ ಎನ್ನ ಮೂಂಕುಗು ಮರ್ದರೆಪು " ಪಂದ್ ಜೋರು ಮಲ್ಪುವೆ.
ಸೋಮವಾರ, ಜನವರಿ 30, 2012
ಉಪಾಯದ ಪಿಲಿಕ್ಕ್ ಉಪಾಯದ ಕಾಟ
ಶುಕ್ರವಾರ, ಜನವರಿ 13, 2012
ಅಣ್ಣೆ-ಮೆಗ್ಯೆ-ತಂಗಡಿ
ಪ್ರಕೃತಿದ ನಡುಟು ಬೇತೆ ಬೇತೆ ಪ್ರಾಣಿ ಪಕ್ಷಿಲೆನ ಸಂಬಂಧನೊಲೆನ ಸೃಶ್ಟಿಲೆನ್ ಮಲ್ತಿನ ಕಥೆಕ್ಕುಲು ನಮಡ ಸಾರ ಸಾರಲು ಉಲ್ಲ ಆನ್ಡ ಈ ಕಥೆ ನಿಕ್ಲೆಗ್ ಪೂರ ಗೊತ್ತುಂಡಾ ಅತ್ ಇಜ್ಜಾ ಪಂದ್ ಎಂಕ್ ಗೊತ್ತುಜಿ. ನಮ್ಮ ನೆಚ್ಚಿನ ಪ್ರಣಿಲೇ ಆಯಿನ 'ಪಿಲಿ,ಪುಚ್ಚೆ,ಬೊಕ್ಕ ನಾಯಿ'ದ ಅಜ್ಜಿಕಥೆ ಇಂಚ ಉಂಡು ಈ ಕಥೆಕ್ಕ್ ಏರಾಂಡಲಾ ಕವಿಕ್ಲ್ ಉಲ್ಲೆರ ಅತ್ ಇಜ್ಜೆರಾ ಪಂದ್ ಎಂಕ್ ಗೊತ್ತುಜಿ, ಇತ್ತ್ಂಡ್ ತೆರಿಪಾಲೆ ಪಂದ್ ಕೇನೋನುಬೆ.
'ಪಿಲಿ,ಪುಚ್ಚೆ,ಬೊಕ್ಕ ನಾಯಿ'ಲು ಮೂಜಿ ಜನಲಾ ಅಣ್ಣೆಮೆಗ್ಯನಕ್ಕ್ಲ್ ಆದಿತ್ತೆರ್. ಕಾಡೇ ಇಲ್ಲಾಯಿನ ಅಕ್ ಲ್ ಪ್ರಾಣಿಲೆನ್ ಪೂರಾ ಪತ್ತ್ ದ್ ಬೆಯ್ಪಾದ್ ತಿನೋಂದಿತ್ತೆರ್. ಒಂಜಿದಿನ ರಡ್ಡ್ ದಿನರ್ದಿಂಚಿ ತಿನರೆ ದಾಲ ಇಜ್ಜಾಂದಿನ ಮೊಕುಲು ಸುದೆ ಬರಿಯೆ ನೀರ್ ಪರ್ದಾಂಡಲಾ ಬದುಕ್ಕುಗಾ ಪನ್ದ್ ಸುದೆ ಬರಿಕ್ ಪೋಪೆರ್ ಅತನಗ ಅಕ್ಲೆಗ್ ಒಂಜಿ ಪೆತ್ತ ತೂವರ ತಿಕ್ಕುಂಡು ಐನ್ ತೂಯಿನ ಪಿಲಿ ಬೆಯ್ಪಾದ್ ತಿನರೆ ತಂಗಡಿ ಪುಚ್ಚೆಡ ಸು ಪತಬರ್ರಗ್ ಬೊಕ್ಕ ಮೆಗ್ಯೆ ನಾಯಿಡ ಬಿಸಲೆ ಕೊನೊದು ಬರ್ರಗ್ ಪನ್ಪೆ. ಅಣ್ಣನ ಪಾತೆರ ಮೀರಂದಿ ಮೊಕುಲು ಕಾಡ್ ರ್ದ್ ಊರುಗು ಜತ್ತ್ ಬರ್ಪೆರ್ ಆನಿ ಅಕ್ಲೆಗ್ ಓಲು ಪೋಂಡಲಾ 'ಸು'ಲಾ ತಿಕ್ಕುಜಿ ಬಿಸಲೆಲಾ ತಿಕ್ಕುಜಿ. ಉಂದೆರ್ದ್ ಬೇಜಾರಾಯಿನ ಮೊಕುಲು ಸೀದಾ ಅಣ್ಣೆ ಇತ್ತ್ ನಡೆ ಪೋಪೆರ್. ಕಾತ್ ಕಾತ್ ದ್ ಬಚ್ಚಿದ್ ಪೋಯಿನ ಅಣ್ಣೆ ಪಿಲಿ ಮೊಕುಲು ಬರ್ಪಿನ ತೋಜಂದೆ ಭಾರೀ ಕೋಪೊಡು ಇಪ್ಪುವೆ ಅತನಗ ನಾಯಿಲಾ ಪುಚ್ಚೆಲಾ ಬರ್ಪೆರ್. ಪಿಲಿ ಅಕ್ಲೆನ್ ವಿಚಾರಿಸನಗ ಎಂಕ್ಲೆಗ್ ದಾಲ ತಿಕ್ಕಿಜಣ್ಣಾ ಪಂದ್ ತಂಗಡಿ ಪುಚ್ಚೆ ಪನ್ಪಲ್, ಮೆಗ್ಯೆ ನಾಯಿಲಾ ಅಂಚೆನೇ ಪನ್ಪೆ. ಅತನಗ ಬಡವುದ ಕೋಪೊಡಿತ್ತಿನ ಪಿಲಿ ನಿಕ್ಲೆನ ಸುಲಾ ಬೊಡ್ಚಿ ಬಿಸಲೆಲಾ ಬೊಡ್ಚಿ ನಿಕ್ಲೆನೇ ಪತ್ ದ್ ತಿನ್ಪೆ ಪಂದ್ ಪೋಡಿಪ್ಪಾದ್ ಪತ್ತೆರೆ ಬರ್ಪೆ ಅತನಗ ಪುಚ್ಚೆ "ಎನನ್ ಪತ್ತುನ ಬುಡು ಎನ್ನ ಪೀ ನ್ಲಾ ನಿಕ್ಕ್ ತಿಕ್ಕರೆ ಬುಡಯೆ" ಪಂದ್ ಪಂಥ ಕಟ್ಟ್ ದ್ ನಾಯಿದೊಟ್ಟಿಗೆ ಊರುಗು ಪಾರ್ದ್ ಬರ್ಪುಂಡು.ಂಚೆನೇ ಗುರ್ತದ ಒಂಜಿ ಇಲ್ಲಡೆ ಬತ್ತಿನ ಮೊಕುಲು ಮೊಕುಲೆನ ಕತೆನ್ ಪನ್ಪೆರ್. ಐನ್ ಕೇನಿನ ಇಲ್ಲಾಲ್ದಕ್ಲ್ ಆಕಾರೊಡು ಎಲ್ಯ ಆಯಿನ ಪುಚ್ಚೆಗ್ ಇಲ್ಲ್ ಧುಲಾಯಿ ಭಾರೀ ಹಿಂಸೆ ಕೊರೊಂದಿತ್ತಿನ ಎಲಿಕ್ಲೆನ್ ಪತ್ತುನ ಬೇಲೆನ್, ಆಕಾರೊಡು ಮಲ್ಲಾಯಿನ ನಾಯಿಗ್ ಇಲ್ಲ್ ದ ಪಿದಯಿ ಇಲ್ಲ್ ಕಾಪುನಂಚಿನ ಕೆಲಸ ಕೊರ್ದು ತಾಂಕುಬೆರ್.
ಬಡವುದ ಕೋಪೊಡು ಕೊದ್ಯೊಂದಿತ್ತಿನ ಪಿಲಿ ಒಯ್ಕ್ಲಾ ಪೋಡಿಪಂದೆ ಯಾನ್ ಈ ಪೆತ್ತನ್ ಪಜ್ಜಿಯೇ ತಿನ್ಪೆ "ಬಾಯಿಗ್ ಬೂರಿಂಡ ಬೆಯ್ತ್೦ಡ್, ತಿರ್ತ್ ಬೂರಿಂಡ ಪಜ್ಜಿ" ಪಂದ್ ಪೆತ್ತನ್ ಪತ್ತ್ ದ್ ರಾಪನಗ ಬಾಯಿಗ್ ಬೂರಿಂಡ್ ಅಯಿನ್ ತಿನ್ದ್ ಸುದೆಬರಿಕ್ಕ್ ಪೋದು ನೀರ್ ಪರ್ನಗ ಭಾರಿ ರುಚಿ ಆಂಡ್ಗೆ. ಐರ್ದ್ ಬೊಕ್ಕ ಪಿಲಿ ಪಜ್ಜಿಯೇ ತಿನರೆ ಸುರು ಮಲ್ತ್೦ಡ್ ಗೆ.
ಬುಧವಾರ, ನವೆಂಬರ್ 2, 2011
ಚಳಿತ ಕಲಿ
ತುಳುವ ನಾಡ್ ಡ್ ಚಳಿ,
ಸುರುವಾಂಡ್ ತಾರಿಡ್ ಕಲಿ।
ಸೇರಿಯೆರ್ ಜನ ತಾರಿದಡಿ,
ಸುರುವಾಂಡ್ ಅಕ್ಲೆನ ಪಿರಿಪಿರಿ॥
ಆಕೊಂಡೆರ್ ಜನ ದಡಿಬಡಿ,
ಬೂರೊಂಡೆರ್ ಜನ ಕಡಾಕಡಿ।
ಕಲಿಯಾಂಡ್ ಮಲ್ಲ ಪಿಲಿ,
ದೆತೊಂಡು ಮೊಕುಲೆನ್ ಅಯ್ತ ಬಲಿ॥
ಸುರುವಾಂಡ್ ತಾರಿಡ್ ಕಲಿ।
ಸೇರಿಯೆರ್ ಜನ ತಾರಿದಡಿ,
ಸುರುವಾಂಡ್ ಅಕ್ಲೆನ ಪಿರಿಪಿರಿ॥
ಆಕೊಂಡೆರ್ ಜನ ದಡಿಬಡಿ,
ಬೂರೊಂಡೆರ್ ಜನ ಕಡಾಕಡಿ।
ಕಲಿಯಾಂಡ್ ಮಲ್ಲ ಪಿಲಿ,
ದೆತೊಂಡು ಮೊಕುಲೆನ್ ಅಯ್ತ ಬಲಿ॥
ಇದಕ್ಕೆ ಸಬ್ಸ್ಕ್ರೈಬ್ ಆಗಿ:
ಕಾಮೆಂಟ್ಗಳು (Atom)